Sa kohë duhet për të shitur një shtëpi?

Pavarësisht arsyes që po e shisni shtëpinë, një nga pyetjet më të shpeshta është, sa kohë do të duhet për t’u shitur? Realisht ka disa faktorë që ndikojnë në shitjen e shtëpisë. Duke u bazuar në këta faktorë, shumica e agjentëve mund të parashikojnë përafërsisht sa mund të vonojë procesi i shitjes së një shtëpie.

 

Vendndodhja

Nëse keni njohuri në fushën e patundshmërive, padyshim deri më tani keni dëgjuar se vendndodhja është një nga ligjet kryesore të blerjes apo shitjes së një shtëpie. Nëse shtëpia juaj gjendet në një zonë shumë të kërkuar, pavarësisht nëse është për shkak të një rrethi shkollor të shkëlqyeshëm, afërsisë me transportin publik apo benefiteve të tjera, vendndodhja e shtëpisë luan rolin kryesor për aq kohë sa qëndron në treg. Sidoqoftë edhe pse është faktor i rëndësishëm, nuk është faktori i vetëm.

Çmimi

Nëse çmimi është i duhuri, patjetër që do të shitet! Shtëpitë të cilat janë të mbivlerësuara nga ana e çmimit do të kenë kohë më të gjatë në treg dhe shpesh do të rezultojnë në oferta të ulëta. Nëse vendosni çmimin e shitjes pak nën treg, mund të rezultojë në oferta të shumëfishta për ju dhe mund të çojë në një shitje mbi çmimin e listës.

Gjendja

Patjetër që gjithmonë do të jetë një nga faktorët e rëndësishëm që ndikon në shitjen e shpejtë ose do të jetë arsyeja pse shtëpia juaj ka kaluar në tregun e vonshëm. Shtëpitë që azhurnohen, mbahen mirë dhe kanë tërheqje të madhe, do të kenë një shans më të mirë për t’u shitur shpejt. Provoni të ecni rreth shtëpisë tuaj sikur po shkoni për herë të parë për të shikuar nëse është e përshtatshme për ta blerë apo jo. A po vini re që muret mund të përdorin një shtresë bojë? Po kuzhina dhe banjot, a janë bllokuar diku midis “Të Mirës, të Keqës dhe të Shëmtuarës”? Mund të jetë koha për të rifreskuar shtëpinë aty ku duhet. Shtëpitë e shfaqura mirë kanë një shans më të mirë për t’u shitur shpejt.

-Ajo që duhet të keni parasysh kur të listoni shtëpinë për shitje është se duhet të jeni gjithmonë të pregaditur. Blerësit do të dëshirojnë të kenë qasje në shtëpinë tuaj në periudha të ndryshme të ditës andaj si pronar i shtëpisë duhet të jeni të gatshëm t’i tregoni blerësit të ardhshëm shtëpinë tuaj brenda një ose dy njoftimeve. Sa më e disponueshme të jetë shtëpia juaj, aq më shumë blerës do të shohin shtëpinë tuaj dhe aq më shumë ka të ngjarë të keni atë blerës të duhur në shtëpinë tuaj.
-Fotografitë janë thelbësore. Fotografitë e bukura dhe të ndriçuara mirë tregojnë potencialin e plotë të shtëpisë dhe ka më shumë të ngjarë të tërheqin vëmendjen e blerësve të ardhshëm.
-Sipas disa studimeve rreth patundshmërive, 88 përqind e blerësve të shtëpive fillojnë kërkimin e tyre në internet. Listimi i shtëpisë tuaj me një agjent të pasurive të patundshme i cili mund të sigurojë qasje në faqet e internetit të kërkimit të shtëpive, e ekspozon më tej shtëpinë tuaj për blerësit e mundshëm.

Join The Discussion

Compare listings

Compare
Search
Price Range Nga Për