Të gjitha shtëpitë kanë një erë. Por disa shtëpi… nuhasin më mirë (ose, le të jemi të sinqertë, më keq) se të tjerat. Dhe nëse jeni të shqetësuar se shtëpia juaj mund të mos bjerë në kategorinë më të mirë, mos u shqetësoni. Ka miliona mënyra për të trajtuar aromat e çuditshme të shtëpisë. Dhe mos u ndje keq, ndonjëherë era e shtëpisë suaj nuk është faji juaj. (Edhe pse mund të jetë faji i kafshës suaj.) Në fund të fundit, shtëpia juaj është (ndoshta) shumë më e vjetër se ju. Ka parë shumë qiramarrës, brenda saj janë gatuar shumë vakte ushqimore dhe është përballur me shumë flukse tualeti.
Druri dhe tapeti janë si sfungjer. Edhe muret tuaja thithin në heshtje erërat. Për të mos përmendur të gjitha pajisjet hidraulike. Kush e di se çfarë ka brenda tyre.
Ne kemi ndarë disa këshilla për të mbajtur nën kontroll erën e shtëpisë, në secilën dhomë. Shumica e këshillave tona që shtëpia të ketë aromë të këndshme, përbëhen nga produkte bazë shtëpiake që me siguri secili nga ne i posedon. Përbërësit e tjerë janë të lirë për t’u blerë dhe gjinden lehtë në markete.
Kuzhina
Erërat e kuzhinës janë të lëngshme. Era e tyre varet nga ajo që gatuhet (ose çfarë po zihet, çfarë është derdhur, çfarë ka në lavaman, çfarë po kalbet në koshin e plehrave, etj.). Por ka disa ndryshime të vogla që mund të bëni në kuzhinën tuaj për të neutralizuar dhe freskuar erën e saj bazë.
- Nëse ka një erë të keqe që vjen nga kuzhina juaj, nuhatni rreth enëlarëses. Megjithëse mund të duket e çuditshme, enëlarsja juaj duhet të pastrohet herë pas here. Për pastrimin e pjatalarëses ndiqni udhëzimet në manualin e saj.
- Vendosni një tas të vogël me llum kafeje në frigorifer për të eliminuar erën e keqe nga mbetjet e ushqimeve. Vetëm sigurohuni që të pastroni edhe frigoriferin tuaj.
- Nëse nuk keni kafe (ose thjesht e urreni erën e kafesë), vendosni një top pambuku të lagur me ekstrakt vanilje në frigorifer.
- Ziejini përbërësit aromatikë. Gjithashtu në këtë zierje mund të hidhni barishte, erëza dhe lëvozhgë agrume në ujë.
- Përgaditini erëzat në temperaturë të ulët. Kjo jo vetëm që do ta ruaj shtëpinë tuaj nga aromat e pakëndshme, por kjo do ta bëjë ushqimin më të shijshëm dhe erëzat më të pasura në shije.
- Hidhni sodë buke në koshin tuaj të plehrave. Soda e bukës është një mënyrë me kosto të ulët për të neutralizuar të gjitha ato erëra të pakëndshme që vijnë nga ai cep i kuzhinës tuaj.
- Nëse vini re një erë që vjen nga mikrovala juaj edhe pasi ta keni pastruar, vendosini në mikrovalë disa lugë ekstrakt vanilje në një filxhan për tridhjetë sekonda.
Banjo
Të gjithë e dimë se banjo është vendi më problematic për sa i përket aromave dhe pastërtisë. Banjo si një vend ku ne e përdorim për largimin e çfardo papastërtie, kërkon një trajtim më të shpesht. Për fat të mirë, banjat shpesh janë të pajisura mirë me ventilatorë dhe dritare. Por nuk mund të jetë e dëmshme të merrni disa truke për të përmirësuar aromën e tualetin tuaj.
- Dëshironi të mbushni banjën tuaj me një aromë të ngjashme me spa? Varni disa degë eukalipti tek koka e dushit. Kur bëni dush, avulli do të aktivizoj vajrat e eukalipt, duke lëshuar aromën e tij në të gjithë banjën dhe po ashtu në shtëpi.
Dhoma e gjumit
Dhoma e gjumit është njëra nga dhomat ku kalojm shumë kohë. Aty relaksohemi, bëjm gjumin, punojm, lexojm etj., për këtë arsye është me rëndësi të madhe që të kujdesimi për këtë pjesë të shtëpisë.
- Shpërndani fletët e thara të aromatizuara në sirtarë dhe dollapë në të gjithë shtëpinë tuaj për aromë rrobash të sapolara gjatë gjithë ditës.
- Nëse vëreni se rrobat tuaja ende kanë erë pak të mykur, vendosni pak vodka të pastër dhe pa aromë në një shishe sprej dhe spërkateni atë tek dollapi I rrobave. Alkooli do të heqë aromat menjëherë nga rrobat tuaja ndërsa avullohet.
Dhoma e ndenjës
Kjo dhomë është ndoshta zona më e vizituar në të gjithë shtëpinë. Dhe vendi më publik. Mysafirët tuaj nuk duan të ndeshen me ajër të rëndë ose erëra të çuditshme. Dhe ju nuk e dëshironi që kjo të ndodh sidomos kur keni visitor në shtëpinë tuaj.
- Ndonjëherë fshesa e rrymës nxjerr një erë të keqe. Për ta parandaluar këtë, vendosni një top pambuku me disa pika vajra esencialë në qesen e vakumit.
- Kujdesuni për tapetin. Tapeti ka tendencë të mbledh aromat dhe kërkon rutinë kujdesi për të luftuar aromat që vijnë nga gjëra të ndryshme, djersa, tymi dhe myku. Uthulla e bardhë, soda e bukës, janë vetëm disa nga metodat për të neutralizuar erën e qilimave.
- Përdorni një sprej me disa pika të vajrave tuaj esencialë të preferuar. Kjo ju lejon të personalizoni aromën sipas dëshirës tuaj!
- Hapni dritaret në mënyrë që ajri i pastër të hyjë.
- Ndizni një qiri. Megjithëse nuk janë aq natyralë sa vajrat esencialë, qirinjtë janë efektivë në maskimin e atyre aromave të pakëndshme në shtëpinë tuaj që dëshironi të mbani larg.
Korridoret dhe hyrjet
Hyrjet dhe korridoret janë ato pjesët e shtëpisë të cilat krijojnë përshtypjen e pare tek vizitorët dhe japin iden se sa e pastër është pjesa tjetër e shtëpisë.
- Kujdesuni për raftet e këpucave. Pastroni këpucët dhe deodoroni ato. Më pas vendosni disa fletë aromatizuese ose pambuk me vajra esencial tek raftet e këpucëve.
- Jeni të shqetësuar se aroma e bojës së freskët do të jetë shumë e fortë? Shtoni një lugë gjelle ekstrakt vanilje në bojën tuaj. Thjesht shtojeni atë drejtpërdrejt në gallonin e bojës, përzieni bojën me një përzierës bojë, pastaj vazhdoni me lyerjen tuaj siç do të bëni normalisht.
- Kur pastroni, përdorni uthull. Uthulla është një deodorues natyral dhe mos u shqetësoni: thartira e uthullës shpërndahet menjëherë pasi pastroni.
Dhe ja ku e keni. Këto ilaçe të dobishme kundër aromave të padëshiruara do ta lënë shtëpinë tuaj me erë të këndshme dhe do të nxisin komplimente nga vizitorët.
